სააქციო საზოგადოება "ყაზბეგი"

სააქციო საზოგადოება "ყაზბეგი" 1998 წელს დაარსდა. შემუშავდა რეკონსტრუქციისა და წარმოების განვითარების საინვესტიციო პროგრამა.
პროგრამა ითვალისწინებდა წარმოების თანამედროვე ევროპული აპარატურით აღჭურვას, რაც შესაძლებელს გახდიდა საქართველოში უმაღლესი ხარისხის ლუდის დამზადებას. ამ მიზნით ინვესტირებულ იქნა 16 მილიონი დოლარი.

საინვესტიციო პროგრამის ფარგლებში :
ახალი ტექნოლოგიებით აღიჭურვა ლუდის საფერმენტაციო, ჩამოსხმის და საკომპრესორო საამქრო
სრულად განახლდა სამხარშაო საამქრო
დამონტაჟდა თანამედროვე აპარატურა ლუდის ფილტრაციისათვის
2000 წელს დამონტაჟდა პეტის ბოთლებში ჩამოსასხმელი ხაზი, რამაც შესაძლებელი გახადა 1,5 და 2 ლიტრიან პეტტარაში ლუდისა და გამაგრილებელი სასმელების ჩამოსხმა.
2005 წელს დამონტაჟდა ალუმინის ქილაში ჩამოსასხმელი ხაზი

ნედლეული - მაღალხარისხიანი ლუდის წარმოებისათვის სს "ყაზბეგი” ახდენს ალაოს ნედლეულის იმპორტირებას უნგრეთიდან, ხოლო სვიისა და საფუარის - გერმანიიდან.

 სს "ყაზბეგი" აწარმოებს ოთხი ტიპის და შვიდი  დასახელების ლუდს: "ყაზბეგი",  "ოქროს ყაზბეგი", "თოფაძე", "ყაზბეგი პორტერი", "ფშავი", "მონადირე", "თბილისი".

ერთ წარმოებაში გემოთი და რეცეპტურით ასეთი განსხვავებული ლუდის პროდუქციის გამოშვება შესაძლებელია მხოლოდ კომპანიის ტექნოლოგების ოსტატობითა და პროფესიონალიზმით, თანამედროვე ტექნოლოგიებით და ლუდის დამზადების  ციკლის ყველა ეტაპზე აუცილებელი სტანდარტების მკაცრი დაცვით.
კომპანია ყოველწლიურად ახალ ბრენდებს სთავაზობს მომხმარებელს, მუდმივად იზრდება ასორტიმენტი.

სს "ყაზბეგი" აწარმოებს შვიდი დასახელების ორიგინალურ სასმელს "ცივი ჩაი"-"ატამი", "ჟოლო", "ლიმონი", "ფორთოხალი", "ფეიხოა", "ტარხუნა", "ალუბალი" და რვა დასახელების ლიმონათს - "ლიმონი", "ფორთოხალი", "ტარხუნა", "სიტრო", "მსხალი", "პიტნა", "კომში", "იზაბელა".
 გამაგრილებელ სასმელებს "ნოსტალგია"  დამზადებულს ნაღებისა და შოკოლადის არომატიზატორით და  კოლას ტიპის გამაგრილებელ სასმელს CO2.

ყველა უალკოჰოლო სასმელი მზადდება კომპოზიციაზე, რომლის ნედლეულად გამოყენებულია ეკოლოგიურად სუფთა ქართული ხილი და ჩაი.
ჩაის კონცენტრატი და არომატიზატორები მზადდება სს "ყაზბეგის" სამეცნიერო კვლევით ცენტრში ორიგინალური რეცეპტურით.

 
Copyrights 2006 - 2017. KAZBEGI. All rights reserved.
Created by ITDC