"ყაზბეგის" პრეზიდენტი გოგი თოფაძე

გოგი ლევანის ძე თოფაძე დაიბადა თბილისში 1940 წლის 18 აპრილს.
1957 წელს დაამთავრა თბილისის 51-ე საშუალო სკოლა და სწავლა განაგრძო თბილისის  პოლიტექნიკური ინსტიტუტის კვებისა და ქიმიური ტექნოლოგიის ფაკულტეტზე.
ინსტიტუტის დამთავრების შემდეგ 1962 წელს მუშაობა დაიწყო კვების მრეწველობის სამეცნიერო - კვლევით ინსტიტუტში მეცნიერ-თანამშრომლად.
1967 წელს გოგი თოფაძე აბარებს მოსკოვში ორგანული ქიმიის საკავშირო სამეცნიერო-კვლევითი ინსტიტუტის ასპირანტურაში.
1969 წელს იცავს დისერტაციას, მას მიენიჭა ტექნიკურ მეცნიერებათა კანდიდატის წოდება. 2003 წელს სადოქტორო დისერტაციის დაცვის შემდეგ გოგი თოფაძეს მიენიჭა ეკონომიკურ მეცნიერებათა დოქტორის წოდება.  
გოგი თოფაძე არის პროფესორი, 20 სამეცნიერო ნაშრომის, 4  მონოგრაფიის, 1 სახელმძღვანელოს და 3 წიგნის ავტორი. წიგნისათვის "თხილამურებით მთაში"  1999 წელს მას მიენიჭა სახელმწიფო პრემია ლიტერატურისა და ხელოვნების დარგში.
1970-1975 წლებში გოგი თოფაძე მუშაობდა თბილისის საპნის ქარხნის დირექტორად.
1975 დან 1986 წლამდე იყო საწარმოო გაერთიანება "თბილლუდის" გენერალური დირექტორი.
1986 წლიდან მუშაობდა ლილოს ლუდის მშენებარე ქარხნის დირექტორად.
1994 წელს დააფუძნა კომპანია "ყაზბეგი".
ამჟამად გოგი თოფაძე სააქციო საზოგადოება "ყაზბეგის" პრეზიდენტია.
1999 წლიდან არის პოლიტიკური მოძრაობა "მრეწველობა გადაარჩენს საქართველოს" თავმჯდომარე.
1999-2003 წლებში  იყო საქართველოს პარლამენტის წევრი.
1995 წლიდან არის სპორტის ზამთრის სახეობათა ფედერაციის პრეზიდენტი.
1999 წლიდან არის საქართველოს ოლიმპიური კომიტეტის ვიცე-პრეზიდენტი.
2005 წელს გოგი თოფაძე აირჩიეს ევროპული სავაჭრო პალატის პრეზიდენტად.
1997 და 1998 წლებში დაასახელეს საქართველოს საუკეთესო ბიზნესმენად.
2005 წელს გოგი თოფაძე, პირველი ქართველ ბიზნესმენთა შორის, დაჯილდოვდა მეცენატის ოქროს მედლით.
ჰყავს მეუღლე, 2 შვილი და 5 შვილიშვილი.

 

 
Copyrights 2006 - 2017. KAZBEGI. All rights reserved.
Created by ITDC