მდინარე, ტბები, ჭალის ტყეები - მშვენიერი არჩევანი და მონადირული აზარტი

დავით გარეჯის სამონასტრო კომპლექსის გზაზე მდებარე ხიდიდან ხელმარცხნივ, მდინარე იორის დინების მიმართულებით, 1000 ჰექტარის ფართობზე უმშვენიერესი ჭალა და ტყეებია გაშლილი. აქ  ტრადიციული სამონადირეო მეურნეობა დაგხვდებათ, სადაც შესაძლებელია როგორც ნადირობა, ასევე თევზაობაც.

დედოფლისწყაროში, თბილისიდან 2 საათის სავალზე, მდინარე იორის ხეობაში, 700 ჰექტარის ფართობზეა გაშლილი ჭალის ტყე და იორის ზეგანის ნაწილი, სადაც უამრავი  ფრინველი და ცხოველი ბინადრობს-კაკაბი, კურდღელი, ხოხობი, იხვი, გარეული ღორი და მტაცებლები-მგელი, ტურა, კატა, მელა. ყველა მათგანი შეგიძლიათ მოინადიროთ.

როგორც საგარეჯოში, ისე დედოფლისწყაროში მწყერზე ნადირობა 20 აგვისტოდან ოქტომბრის დასაწყისამდე გრძელდება. მეურნეობა ვალდებულებას იღებს მოგაძებნინოთ კარგი სანადირო ადგილი, მოგამარაგოთ ძაღლებით, იარაღით (საჭიროების შემთხვევაში) და ტყვიით, შემოგთავაზოთ ღამის გასათევი და, რა თქმა უნდა, კვება. სამონადირეო სასტუმროს ერთდროულად 12-15 მონადირის მომსახურება შეუძლია. აქ დაგხვდებათ კომფორტული ნომრები  ცხელი წყლით.

 

უკან | დაწვრილებით

 

 
Copyrights 2006 - 2019. KAZBEGI. All rights reserved.
Created by ITDC